SERVIENTES ad Legem

SERVIENTES ad Legem
olim in Anglia dicti sunt Doctores Iuris vel Antecessores: ad quem gradum sic pervenire datum est. Cupidus legum adolescens, primo se sistit in uno Collegiorum Iuris, quae Hospitia vocant, et quatuor numero sunt, emensisque illic studiosius annis 7. vel 8. ad Barram, ut aiunt, h. e. ad agendas causas evocatur, qui primus et infimus Causidicorum gradus est. Denos posthinc annos vel. 12. Lector publicus in aliquot Hospitiorum Cancellariae emitritur. tantum demque pene postea idem hoc munus in sui ipsius Collegio eô fastu exercetur, ut 2. vel 3. hebdomadarum spatiô ad bis mille coronatos Gallicos expendisse unusquisque dignoscatur. Laute enim epulari solet, convivasque praecipuos Regni Magnates adhibere. Tandem gradus desideratus hôc fere modô confertur. Capitalis Iustitiarius de Banco communi de consilio et assensu omnium Iustitiariorum eligere soler 7. vel 8. de maturioribus illis Iuris Anglici Studiosis, quorum nomina in scriptis Cancellario Angliae deferenda curat. Is vero per Regis Brevia cuilibet electorum illorum mandat, ut coram Rege statô die adsint, ad suscipiendum statum et gradum Servientis ad Legem. Quô quidem die electi, inter alias sollennitates, celebrant et convivium,
per septem continuos dies, adeo magnficum, ut singulorum expensae aslurgant ad 16000. scutorum. Oquippe eorum quilibet annulos aureos valoris ad minimum 40. libr. Anglic. cuilibet Principi, Duci et Archiepiscopo, qui hisce sollennitatibus intersunt, Cancellario item ac Thesaurario annulos valoris 26. sterl. 8. den. et cuilibet Comiti ac Episcopo similiter praesentibus, nec non Custodi sigilli, utrique Capitali Iustitiario et Capitali Baroni de Scaccario Regis, annulos 20. sol. omni insuper domino Parlamenti, Abbati, Praelato et magno Militi, tunc praesenti, aliisque eiusmodi annulum unius marcae, sicque de coeteris, dare tenetur: ut nullus fere sit Officiarius inferioris gradus, qui pro sua dignitate non annulo donetur. Amicis praeterea et domesticis annulos itidem offerunt, et libratam magnam panni unius secte. Nec sumptum mireris, cum, admodum lucroslus hic gradus, ad amplissimas dignitates consequendas via sit. Namque ad officium et dignitatem Iustitiarii in Curiis placitorum coram ipso Rege et communi banci, quae sunt supremae Curiae eiusdem Regni ordinariae, nemo admittitur, nisi hôc gradu insignitus. habitum quod attinet, quilibet eorum dum in Curia Regis sedet, birretô albô sericô utitur, quô primô et praecipuô dignitatis symbolô, in sui creatione, decorantur: neque illud deponit, licet cum Rege loquatur. Robam dein gerunt longam, ad instar Sacerdotis, cum capicio penulato circa humeros, et desuper colobio, cum duobus labellulis ---- possunt etiam stragulatâ veste, aut coloris bipertiti, uti Io. Fortescutus de Laudibus LL. Angliae c. 50. et ex eo Car. du Fresne Glossar. Vide quoque Henr. Spelmannum Glossar. et Io. Seldenum Prolegom. ad Historicos Anglicos p. 44. nec non supra voce Iudex. In eodem Regno, Servientes armorum, Angl. The Sergants of armes, dicuntur hodie, qui robustiores ferunt ex argento baculos, interdum deauratos, coronâ et insignibus Regni in apice exornatos; ut qui non nisi iussu ipsius Regis vel Curiae Parlamentariae et Cancellarii vel Thesaurarii, atque hoc in gravioribus solum negotiis, ablegantur. Olim vero quoduam eorum in Auglia ac Francia fuerit munus, pluribus exponit praesatus de Fresne d. l. ubi etiam de Servientibus ad clavam, de Servientibus Curiae, de Servientibus Hundredi, alii; item de magnis parvisque Sergentiis, pluribus agit.
Dicti hi omnes a verbo servire: adoque Serviens idem cum ministro et famulo est, tam in Foro, quam Militiae, unde Gall. Sergeant ortum etc.

Hofmann J. Lexicon universale. 1698.

Look at other dictionaries:

  • servientes ad legem — Plural of serviens ad legem …   Ballentine's law dictionary

  • Serjeant-at-law — (postnominal SL [cite web | url=http://www.burkes peerage.net/code/hith/help/ahp s.asp | title=Abbreviations (S), Burke s Peerage | accessdate=2006 12 07] ) was an order of barristers at the English or Irish bar. Serjeants at law ( servientes ad… …   Wikipedia

  • BIRRUS — et BIRRUM, lacerna, palliolum: Vestis Romana, ut probat Martianus l. 4. referente Cael. Rhodig. l. 16. c. 10. Vopiscus, in Carino, c. 20. ab Atrebaticis birri petiti: et donati birri Canusini: quae cum de veste splendidiore dicta videantur… …   Hofmann J. Lexicon universale

  • COLOBIUM — tunica demissior, sine manicis, cui Graeci τὸ ἱμάτιον, i. e. superius vestimentum, induebant. Gall. Tabarre. Α᾿ Graeco κολοβόν, mutilatum, decurtatum, quod instar Romanae tunicae iuxta humeros desinebat. Sub veceribus Romanis non in usu fuit, mox …   Hofmann J. Lexicon universale

  • JURISCONSULTI — in numero Principis Amicorum et Comitum, quos adhibebar, cum de negotiis ac iure tractaret, vel Romae et in provinciis causas audiret. Lamprid. in Alex. Negotia et causas privus a scriniorum Principibus et doctissimis Iurisconsultis et sibi… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.